پانچ روزہ کمی کے بعد سونا مہنگا، عالمی اور مقامی مارکیٹوں میں قیمتیں بڑھ گئیں

سونے کی عالمی اور مقامی مارکیٹوں میں پانچ دن کی مسلسل کمی کے بعد ایک بار پھر قیمتوں میں اضافہ دیکھنے میں آیا ہے۔

بین الاقوامی بلین مارکیٹ میں فی اونس سونے کی قیمت میں تئیس ڈالر کا اضافہ ہوا، جس کے بعد نئی عالمی قیمت چار ہزار سات سو آٹھ ڈالر فی اونس کی سطح پر پہنچ گئی۔

دوسری جانب مقامی صرافہ بازاروں میں بھی چوبیس قیراط سونے کی فی تولہ قیمت میں دو ہزار تین سو روپے کا اضافہ ہوا، جس کے بعد نئی قیمت چار لاکھ ترانوے ہزار ایک سو باسٹھ روپے فی تولہ ہو گئی۔

اسی طرح فی دس گرام سونے کی قیمت میں بھی ایک ہزار نو سو اکہتر روپے اضافہ ریکارڈ کیا گیا، جس کے بعد یہ چار لاکھ بائیس ہزار آٹھ سو چھ روپے ہو گئی۔

ماہرین کے مطابق عالمی سطح پر طلب اور معاشی حالات میں اتار چڑھاؤ کے باعث سونے کی قیمتوں میں یہ اضافہ دیکھنے میں آیا ہے۔