سعودی عرب کا پاکستان کے لیے 6 ارب ڈالر کا مالی پیکیج

وزارت خزانہ کے مطابق، سعودی عرب پاکستان کو ایک ارب ڈالر کی آئل فیسیلٹی فراہم کرے گا جو 290 ارب روپے کے برابر ہے، جبکہ پانچ ارب ڈالر کے ڈیپازٹس بھی رول اوور کیے جائیں گے تاکہ پاکستان کے زرمبادلہ کے ذخائر مستحکم رہیں۔

حکام کے مطابق، ان ڈیپازٹس میں سے دو ارب ڈالر دسمبر 2025 اور تین ارب ڈالر جون 2026 میں واجب الادا ہیں۔ سعودی عرب نے یہ فنڈز چار فیصد شرح سود پر بجٹ سپورٹ کی مد میں فراہم کر رکھے ہیں۔

وزارت خزانہ کے مطابق رواں مالی سال کے ابتدائی تین ماہ میں 85 ارب روپے کی آئل فیسیلٹی پہلے ہی فراہم کی جا چکی ہے، جو 30 کروڑ ڈالر کے مساوی ہے۔ سعودی عرب ماہانہ 10 کروڑ ڈالر (تقریباً 28 ارب 37 کروڑ روپے) کی سہولت فراہم کر رہا ہے۔

یہ مالی پیکیج پاکستان اور سعودی عرب کے درمیان اعتماد اور اقتصادی تعلقات کا مظہر ہے، جو پاکستان کی مالی استحکام کے لیے اہم کردار ادا کرے گا۔