مرغی کے گوشت کی قیمت میں چار دن میں 36 روپے کمی

مرغی کے گوشت کی قیمت میں مسلسل کمی کا سلسلہ جاری ہے۔ آج سرکاری نرخنامے کے مطابق مرغی کے گوشت کی قیمت میں 15 روپے کمی کے بعد یہ 453 روپے فی کلو ہو گئی ہے، جبکہ چار دن کے دوران مجموعی کمی 36 روپے تک پہنچ چکی ہے۔

زندہ برائلر مرغی کی قیمت میں بھی 10 روپے کمی ہوئی ہے، جس کے بعد تھوک ریٹ 299 روپے فی کلو اور پرچون ریٹ 313 روپے فی کلو مقرر کیا گیا ہے۔

دوسری جانب، انڈوں کی قیمت میں مسلسل اضافہ ہو رہا ہے۔ انڈے آج ایک روپے اضافے کے بعد 350 روپے درجن ہو گئے ہیں، جس سے عوام پر مزید بوجھ پڑا ہے۔