ننکانہ صاحب میں بابا گورو نانک کے 556ویں جنم دن کی تقریبات کا آغاز

ننکانہ صاحب میں سکھ مت کے بانی بابا گورو نانک کے 556ویں جنم دن کی تین روزہ تقریبات آج سے شروع ہو رہی ہیں۔
دنیا بھر سے ہزاروں سکھ یاتری اس مذہبی موقع پر پاکستان پہنچ چکے ہیں۔ بھارت سے دو ہزار سے زائد یاتری آج خصوصی ٹرین کے ذریعے ننکانہ صاحب پہنچیں گے، جبکہ سندھ اور دیگر شہروں سے آنے والے یاتری پہلے ہی اپنی حاضری درج کروا چکے ہیں۔

ضلعی انتظامیہ اور اوقاف ڈیپارٹمنٹ کی جانب سے سیکیورٹی اور رہائش کے خصوصی انتظامات کیے گئے ہیں۔
انتظامیہ کے مطابق گوردوارہ جنم استھان میں مذہبی رسومات، ارداس، کیرتن اور دیگر تقریبات تین روز تک جاری رہیں گی۔

پاکستانی حکام نے بھارت سمیت دنیا بھر سے آنے والے سکھ یاتریوں کو مکمل سہولیات فراہم کرنے کی یقین دہانی کرائی ہے، جبکہ یاتریوں نے پاکستان میں اپنے مقدس مقامات کی آزادانہ زیارت پر اظہارِ تشکر کیا ہے۔