کپل شرما کا کیفے کینیڈا میں دوبارہ فائرنگ کا نشانہ

معروف کامیڈین کپل شرما کے کیفے “کیپس کیفے” پر چند ہفتوں میں دوسری بار فائرنگ ہوئی ہے۔ پولیس کے مطابق اس حملے کی ذمہ داری بدنام گینگ لارنس بشنوئی اور گولڈی ڈھلوں نے قبول کی ہے۔

حکام نے بتایا کہ تازہ واقعے میں کیفے کی کھڑکیوں پر کم از کم چھ گولیاں لگیں۔ قریبی رہائشیوں نے بتایا کہ وہ فائرنگ کی آوازوں سے جاگ گئے۔

پہلا حملہ جولائی 2025 میں ہوا تھا۔ اب گینگ کی جانب سے ایک وائرل پیغام میں کہا گیا

“ہم گولڈی ڈھلوں اور لارنس بشنوئی گینگ آج کی فائرنگ کی ذمہ داری قبول کرتے ہیں۔”

اطلاعات کے مطابق یہ حملے بالی وڈ اسٹار سلمان خان سے جڑے ہو سکتے ہیں۔ ایک مبینہ آڈیو میں گینگ ممبر ہیری باکسر نے کسی بھی پروڈیوسر، ڈائریکٹر یا اداکار کو جو سلمان خان کے ساتھ کام کرے، “سینہ چیر کر گولی مارنے” کی دھمکی دی۔

گینگ کا دعویٰ ہے کہ کیفے پر فائرنگ کی وجہ یہ ہے کہ کپل شرما نے اپنے نیٹ فلکس شو کے پہلے ایپی سوڈ میں سلمان خان کو مدعو کیا۔ پولیس واقعے کی مزید تحقیقات کر رہی ہے۔