عظمیٰ بخاری کی سخت تنقید: بشریٰ بی بی پر عالمی جریدے کی رپورٹ حقائق کا پلندہ ہے

عمران خان کی اہلیہ بشریٰ بی بی کے حکومتی معاملات میں کردار سے متعلق عالمی جریدے کی رپورٹ پر وزیر اطلاعات پنجاب عظمیٰ بخاری نے شدید ردعمل دیتے ہوئے اسے ’’سو فیصد درست‘‘ قرار دیا ہے۔

عظمیٰ بخاری کے مطابق بانی پی ٹی آئی کے بعد اب بشریٰ بی بی کے ’’کارنامے‘‘ عالمی میڈیا کی توجہ کا مرکز بن رہے ہیں۔ انہوں نے الزام لگایا کہ رپورٹ نے ’’جعلی پیر خانے‘‘ اور ’’روحانیت کے نام پر چھپی شیطانیت‘‘ کا پردہ فاش کر دیا ہے۔

ان کا کہنا تھا کہ چار سال تک ’’کوچ اور پیرنی‘‘ نے بانی پی ٹی آئی کو گمراہ رکھا، اور وہ اپنے اردگرد ہونے والی ہر معلومات کو روحانیت سمجھ کر فیصلے کرتے رہے۔

عظمیٰ بخاری نے مزید کہا کہ تبدیلی کے نعروں کے پیچھے مبینہ کرپشن جاری رہی، جبکہ پنکی، گوگی، کوچ اور بزدار کی ٹیم نے ’’چار سال ڈگڈی پر نچایا‘‘۔ ان کے مطابق جادو ٹونے اور جعلی روحانیت سے ملک نہیں چلائے جاتے۔

انہوں نے الزام عائد کیا کہ مریم نواز اور رانا ثنا اللہ کو اسی طرح کے اشاروں پر ’’مینٹل ٹارچر‘‘ کیا جاتا تھا، لیکن آج مریم نواز کی حکومت میں بشریٰ بی بی کو جیل میں بی کلاس کی مکمل سہولیات فراہم کی جا رہی ہیں—’’یہ اپنا اپنا ظرف ہے‘‘۔