مظفرآباد کے قریب پاک فوج کا ہیلی کاپٹر حادثے کا شکار، تمام اہلکار شہید

پاک فوج کے شعبہ تعلقات عامہ (آئی ایس پی آر) کے مطابق آرمی ایوی ایشن کا ایک ہیلی کاپٹر مظفرآباد کے قریب ٹیک آف کے دوران تکنیکی خرابی کے باعث حادثے کا شکار ہو گیا، جس کے نتیجے میں اس میں سوار تمام اہلکار شہید ہو گئے۔

آئی ایس پی آر کے مطابق حادثہ معمول کی پرواز کے دوران پیش آیا جب ہیلی کاپٹر ٹیک آف کر رہا تھا۔ ابتدائی اطلاعات کے مطابق فنی خرابی کے باعث ہیلی کاپٹر کا کنٹرول برقرار نہ رہ سکا اور وہ گر کر تباہ ہو گیا۔

ترجمان پاک فوج کے مطابق حادثے کے فوراً بعد ریسکیو اور ریلیف ٹیمیں جائے وقوعہ پر پہنچ گئیں اور امدادی کارروائیاں شروع کر دی گئیں، تاہم ہیلی کاپٹر میں سوار تمام اہلکاروں کی شہادت کی تصدیق کر دی گئی ہے۔

آئی ایس پی آر نے شہداء کے اہل خانہ سے اظہار تعزیت کرتے ہوئے کہا ہے کہ قوم اپنے بہادر سپاہیوں کی قربانیوں کو ہمیشہ یاد رکھے گی۔ حادثے کی وجوہات جاننے کے لیے مزید تحقیقات بھی شروع کر دی گئی ہیں۔

یہ افسوسناک واقعہ ملک بھر میں سوگ کی فضا پیدا کر گیا ہے جبکہ مختلف حلقوں کی جانب سے شہداء کو خراج عقیدت پیش کیا جا رہا ہے۔