وانا میں مسجد کے اندر دھماکہ، جے یو آئی رہنما مولانا عبداللہ ندیم نشانہ بنے

وانا کے اعظم وارسک بازار میں ایک مسجد کے اندر زور دار دھماکہ ہوا جس میں جے یو آئی کے رہنما اور مولانا عبدالعزیز مسجد کے خطیب مولانا عبداللہ ندیم کو نشانہ بنایا گیا۔

پولیس ذرائع کے مطابق، دھماکے میں مولانا عبداللہ ندیم سمیت کئی افراد زخمی ہوئے، جبکہ جانی نقصان کا خدشہ ظاہر کیا جا رہا ہے۔ امدادی ٹیمیں اور قانون نافذ کرنے والے ادارے موقع پر پہنچ گئے اور تحقیقات کا آغاز کر دیا گیا ہے۔

یہ پہلا موقع نہیں کہ مولانا عبداللہ ندیم پر حملہ کیا گیا ہو۔ اس سے قبل بھی وہ کالوشہ میں ریموٹ کنٹرول دھماکے میں زخمی ہو چکے ہیں، جس سے ان کی سیکیورٹی کے حوالے سے خدشات مزید بڑھ گئے ہیں۔

انتظامیہ نے علاقے میں سیکیورٹی سخت کر دی ہے، جبکہ حملے کی ذمہ داری تاحال کسی تنظیم نے قبول نہیں کی ہے۔