ٹرمپ ٹوائلٹ برش چین میں تجارتی جنگ کے خلاف مزاحمت کی علامت بن گیا

چین اور امریکہ کے درمیان جاری تجارتی کشیدگی کے دوران ایک انوکھا اور مزاحیہ ٹوائلٹ برش خبروں کی زینت بن گیا ہے، جس پر سابق امریکی صدر ڈونلڈ ٹرمپ کی شکل اور معروف زرد بالوں کی نقل کی گئی ہے۔

یہ برش ابتدا میں ٹرمپ کے پہلے دور صدارت میں منظرعام پر آیا، لیکن حالیہ تجارتی تناؤ کے بعد اس کی فروخت میں غیرمعمولی اضافہ دیکھنے میں آیا ہے۔ چین کے شہر ییوو میں تیار کیا جانے والا یہ برش اب “ییوو کاؤنٹر اٹیک” کا حصہ بن چکا ہے، جو امریکی محصولات کے خلاف مقامی سطح پر مزاحمت کی علامت سمجھا جا رہا ہے۔

13.9 سے 18.9 یوآن (تقریباً 1.9 سے 2.6 امریکی ڈالر) کی قیمت میں دستیاب یہ برش چینی سوشل میڈیا پر وائرل ہو چکا ہے۔ وُوہان کے ایک ریستوران نے امریکی صارفین سے 104% اضافی سروس چارج وصول کرنے کا اعلان کرکے اس احتجاج کو نئی جہت دے دی ہے۔

یہ برش اب صرف ایک مزاحیہ چیز نہیں بلکہ چینی عوام کے لیے ایک ثقافتی علامت بن چکا ہے جس کے ذریعے وہ امریکی پالیسیوں پر تنقید کر رہے ہیں۔