چین نے سعودی عرب، عمان، کویت اور بحرین کے شہریوں کو ویزہ فری انٹری کی اجازت دے دی

چین نے ایک بڑی سفارتی پیش رفت کے تحت سعودی عرب، عمان، کویت اور بحرین کے شہریوں کے لیے ویزہ فری انٹری کی پالیسی کا اعلان کر دیا ہے۔ یہ پالیسی 9 جون 2025 سے 8 جون 2026 تک مؤثر رہے گی۔

چینی وزارت خارجہ کی ترجمان ماؤ نِنگ نے بتایا کہ ان چاروں خلیجی ممالک کے عام پاسپورٹ رکھنے والے افراد اب بغیر ویزہ کے چین میں داخل ہو سکیں گے اور 30 دن تک قیام کر سکیں گے۔

ماؤ نِنگ کے مطابق، اس فیصلے کے بعد خلیج تعاون کونسل کے تمام رکن ممالک کو چین کی ویزہ فری پالیسی میں شامل کر لیا گیا ہے۔ اس اقدام سے چین اور خلیجی ممالک کے درمیان سیاحت، تجارت اور سرمایہ کاری میں اضافہ متوقع ہے۔