میدان عرفات میں خطبہ حج 2025، امام حرم کا روح پرور پیغام

امام حرم شیخ ڈاکٹر صالح بن عبداللہ بن حمید نے مسجد نمرہ میں خطبہ حج 2025 پیش کیا، جو عقیدہ، عبادات، اور اسلامی اخلاقیات پر مشتمل ایک جامع پیغام تھا۔

انہوں نے تقویٰ، صبر، شکر اور اللہ کی مستقل عبادت پر زور دیتے ہوئے دنیا بھر کے مسلمانوں کو دین اسلام پر مضبوطی سے قائم رہنے کی تلقین کی۔ خطبے میں نماز، روزہ، زکوٰۃ اور حج جیسے ارکانِ اسلام کو یاد دلاتے ہوئے ان کی اہمیت واضح کی گئی۔

شیخ ڈاکٹر حمید نے بدعت، غیبت اور شیطانی وسوسوں سے بچنے کی بھی تاکید کی۔ ان کا پیغام اتحاد، اخلاص اور شریعت کی اصل تعلیمات پر عمل کرنے کا مظہر تھا۔

یہ خطبہ دنیا بھر میں براہِ راست نشر کیا گیا، جس سے لاکھوں مسلمان روحانی طور پر حج سے جُڑے۔