مودی سرکار کا جنگی جنون، خطے کا امن خطرے میں

لائن آف کنٹرول کے اطراف مقبوضہ کشمیر میں بھارتی افواج کی غیر معمولی نقل و حرکت دیکھی جا رہی ہے، جبکہ تمام سرحدی گاؤں مودی سرکار کے حکم پر خالی کرا لیے گئے ہیں۔ ان اقدامات نے خطے میں ایک واضح جنگی فضا قائم کر دی ہے۔

سیکیورٹی ذرائع کے مطابق بھارت پہلگام حملے کو جواز بنا کر مقبوضہ وادی میں کشمیری مسلمانوں کے خلاف کریک ڈاؤن کر رہا ہے۔ درجنوں نوجوانوں کو گرفتار کر لیا گیا ہے، گھروں کی تلاشیوں اور کرفیو جیسی پابندیوں نے عام زندگی مفلوج کر دی ہے۔

اس دوران اطلاعات سامنے آئی ہیں کہ پاکستان اور بھارت میں تعینات اعلیٰ دفاعی نمائندے ہائی کمیشنز چھوڑ چکے ہیں، جو کشیدگی میں اضافے کا واضح اشارہ ہے۔

پاکستانی انٹیلی جنس اداروں نے خبردار کیا ہے کہ بھارت کسی بھی وقت فوجی کارروائی شروع کر سکتا ہے۔ تاہم، پاکستانی مسلح افواج مکمل الرٹ اور تیار ہیں، اور کسی بھی بھارتی مہم جوئی کا فوری اور سخت جواب دیا جائے گا۔ دفاعی حکام کے مطابق کسی بھی جارحیت کو پاکستان اپنی خودمختاری پر حملہ تصور کرے گا۔

پاکستانی عوام اس حساس لمحے میں اپنی مسلح افواج کے شانہ بشانہ کھڑے ہیں اور مادر وطن کے تحفظ کے لیے ہر قربانی دینے کو تیار ہیں۔