طوفان “کالمیگی” نے فلپائن میں قیامت برپا کر دی، 140 ہلاک، سینکڑوں بے گھر

فلپائن کے وسطی حصوں میں سمندری طوفان “کالمیگی” نے تباہی مچا دی ہے، جس کے نتیجے میں 140 افراد ہلاک اور درجنوں لاپتہ ہوگئے۔
غیر ملکی خبر رساں اداروں کے مطابق، 140 کلومیٹر فی گھنٹہ کی رفتار سے چلنے والی ہواؤں نے شہر سیبو سمیت کئی علاقوں میں بڑے پیمانے پر تباہی پھیلائی۔ تیز بارشوں اور طغیانی کے باعث درجنوں مکانات، گاڑیاں اور شپنگ کنٹینرز بہہ گئے۔
فلپائن کے صدر فردینینڈ مارکوس نے ملک بھر میں ایمرجنسی نافذ کرتے ہوئے فوج، پولیس اور ریسکیو اداروں کو ہنگامی اقدامات کی ہدایت کی ہے۔
حکام کا کہنا ہے کہ “کالمیگی” کو رواں سال 2025 کا سب سے خطرناک طوفان قرار دیا گیا ہے، جو اب ویتنام کی طرف بڑھ رہا ہے۔
ویتنامی حکام نے 2 لاکھ 60 ہزار سے زائد اہلکاروں کو تعینات کیا ہے جبکہ ساحلی علاقوں سے لوگوں کے انخلا کے احکامات جاری کیے گئے ہیں۔
ماہرین کے مطابق، اگلے 24 گھنٹوں میں طوفان مزید شدت اختیار کر سکتا ہے، جس سے پورے خطے میں انسانی بحران پیدا ہونے کا خدشہ ہے۔