بھارت کی دوہری پالیسی: جعفر ایکسپریس پر شور، اپنی راجدھانی ایکسپریس کی شرمندگی بھول گیا؟

جعفر ایکسپریس حملے پر بھارت کی جانب سے بڑھا چڑھا کر پاکستان کے خلاف پروپیگنڈا کیا جا رہا ہے، لیکن وہ اپنی ہی بدترین سیکیورٹی ناکامی بھول چکا ہے۔ 27 اکتوبر 2009 کو بھارت میں نکسلائیٹس نے بھوونیشور تا دہلی چلنے والی راجدھانی ایکسپریس کو جھارگرام کے قریب ہائی جیک کر لیا تھا۔

اس حملے میں 300 سے زائد مسلح باغیوں نے دن دہاڑے ٹرین روک کر سیکڑوں مسافروں کو یرغمال بنا لیا۔ پانچ گھنٹے تک بھارتی حکام کوئی مؤثر کارروائی نہ کر سکے، اور آخر میں نکسلائیٹس بغیر کسی مزاحمت کے فرار ہونے میں کامیاب ہو گئے۔

یہ واقعہ بھارت کے سیکیورٹی نظام کی بڑی ناکامی ثابت ہوا، جس نے دنیا کے سامنے بھارتی حکومت کی کمزوری کو بے نقاب کر دیا۔ حیرت کی بات یہ ہے کہ آج یہی بھارت جعفر ایکسپریس کے معاملے پر پاکستان کے خلاف پراپیگنڈا کر رہا ہے، جبکہ اپنی ماضی کی ذلت کو بھول چکا ہے۔