انسداد دہشت گردی عدالت نے علیمہ خان کے ساتویں وارنٹ گرفتاری جاری کردیے

راولپنڈی کی انسداد دہشت گردی عدالت نے علیمہ خان کے خلاف تھانہ صادق آباد میں درج مقدمے کی سماعت کے دوران ایک بار پھر سخت کارروائی کرتے ہوئے ساتویں مرتبہ وارنٹ گرفتاری جاری کردیے۔

ایکسپریس نیوز کے مطابق، کیس کی سماعت کے دوران علیمہ خان عدالت میں پیش نہیں ہوئیں، جس پر عدالت نے برہمی کا اظہار کیا۔ دورانِ سماعت 30 سے زائد بینکوں نے علیمہ خان کے اکاؤنٹس منجمد کرنے کی رپورٹ عدالت میں جمع کرائی، جبکہ 5 بینکوں نے رپورٹ دی کہ ان کے ہاں علیمہ خان یا نمل یونیورسٹی کے ٹرسٹی اکاؤنٹس منجمد نہیں کیے گئے۔

عدالت نے ان 5 بینکوں کو شوکاز نوٹس جاری کرتے ہوئے ہدایت کی کہ ٹرسٹی اکاؤنٹس بھی فوری منجمد کیے جائیں۔
سماعت کے دوران 7 ملزمان اور 3 وکلا پیش ہوئے، جبکہ عدالت نے کیس کی مزید کارروائی 6 نومبر تک ملتوی کردی۔