نیو یارک کے نومنتخب میئر ظوہران ممدانی، پاکستانی کمنٹیٹر رمیز راجہ کے مداح نکلے

نیو یارک سٹی کے نومنتخب میئر ظوہران ممدانی نے اپنی انتخابی کامیابی کے ساتھ ساتھ کرکٹ کے شائقین کے دل بھی جیت لیے۔

34 سالہ ڈیموکریٹک سوشلسٹ رہنما، جن کے والدین افریقہ اور بھارت سے تعلق رکھتے ہیں، اس وقت خبروں میں آئے جب ان کی ایک ویڈیو وائرل ہوئی جس میں وہ اپنی مہم ٹیم کو رمیز راجہ کا مشہور جملہ سناتے ہیں

“To snatch defeat from the jaws of victory.”

یہ جملہ رمیز راجہ اکثر دلچسپ کرکٹ مقابلوں میں استعمال کرتے ہیں۔

ویڈیو وائرل ہونے کے بعد رمیز راجہ نے خود اسے “ایکس” پر ری شیئر کیا اور ظوہران ممدانی کو مبارکباد دیتے ہوئے لکھا

“مبارک ہو مسٹر ممدانی! آپ نے سیدھی بیٹ سے کھیلا اور ان لوگوں کو بے نقاب کیا جو کرکٹ نہیں کھیلتے۔ آپ پر فخر ہے”

یہ کلپ نہ صرف امریکہ بلکہ پاکستان اور جنوبی ایشیا میں بھی دلچسپی کا باعث بنا، جہاں لوگوں نے اسے کھیل اور سیاست کے خوبصورت امتزاج کے طور پر سراہا۔