جرمنی میں فضائی سفر مفلوج, تنخواہوں پر تنازع کے باعث سینکڑوں پروازیں منسوخ

جرمنی کی ایئرپورٹ ایسوسی ایشن اے ڈی وی کے مطابق ملک کے گیارہ بڑے ہوائی اڈوں پر ایئرپورٹ سکیورٹی عملے کی ہڑتال کے باعث ایک ہزار سے زائد پروازیں منسوخ یا ان میں تاخیر کا خدشہ ہے۔ ہڑتال سے دو لاکھ سے زائد مسافر متاثر ہوں گے۔

ملک گیر ہڑتال مغربی جرمنی کے کولون بون ہوائی اڈے پر بدھ کی رات اس وقت شروع ہوئی جب مسافروں کو کنٹرول کرنے والا سکیورٹی عملہ رات کی شفٹ میں نہیں آیا۔

ٹریڈ یونین وردی کے ترجمان اوزے تاریم نے کہا کہ اس ہوائی اڈے پر ہڑتال کی شرح 100 فیصد تھی۔

انہوں نے مزید بتایا، ”یہ ہڑتال کا ایک کامیاب آغاز تھا اور توقع ہے کہ دن کے دوران 80 فیصد سے زیادہ پروازیں منسوخ کر دی جائیں گی۔‘