کاٹلنگ میں بیوی کی فائرنگ سے موٹروے پولیس کا اہلکار جاں بحق

خیبر پختونخوا کے ضلع مردان کی تحصیل کاٹلنگ کے علاقے میاں خان میں افسوسناک واقعہ پیش آیا، جہاں بیوی نے فائرنگ کر کے اپنے شوہر کو قتل کر دیا۔

پولیس کے مطابق جاں بحق ہونے والا شخص محمد زبیر موٹروے پولیس میں سپاہی تھا اور تین کمسن بچوں کا باپ تھا۔ واقعہ کے بعد تھانہ بایزئی پولیس نے فوری کارروائی کرتے ہوئے ملزمہ کو آلہ قتل سمیت گرفتار کر لیا۔

پولیس نے مقدمہ درج کر کے تفتیش کا آغاز کر دیا ہے۔ ابتدائی تحقیقات کے مطابق واقعہ گھریلو تنازع کا شاخسانہ معلوم ہوتا ہے۔ واقعے نے علاقہ مکینوں کو ہلا کر رکھ دیا ہے اور سوشل میڈیا پر بھی اس واقعے پر شدید ردعمل سامنے آ رہا ہے۔