پاکستان نے دہشت گردی کے خلاف مؤثر اقدامات کیے، پاک فوج فولادی دیوار کی طرح دشمن کے سامنے ڈٹی رہے گی، ڈی جی آئی ایس پی آر

ڈی جی آئی ایس پی آر لیفٹیننٹ جنرل احمد شریف چوہدری نے کہا ہے کہ پاکستان نے افغانستان میں موجود دہشت گرد عناصر کے خلاف مؤثر اقدامات کیے ہیں اور ملکی سلامتی کے لیے ہر ممکن اقدام اٹھایا جا رہا ہے۔

غلام اسحاق خان انسٹیٹیوٹ  کے دورے کے دوران انہوں نے طلبہ اور اساتذہ سے خطاب کرتے ہوئے سرحدی حالات، سیکیورٹی صورتِ حال اور سوشل میڈیا کے کردار پر گفتگو کی۔

لیفٹیننٹ جنرل احمد شریف نے کہا کہ پاکستان آرمی ہر دشمن کے خلاف فولادی دیوار کی طرح کھڑی رہے گی اور ملکی دفاع میں کوئی سمجھوتہ نہیں کیا جائے گا۔

انہوں نے نوجوانوں کے کردار کو سراہتے ہوئے کہا کہ پاکستان کا مستقبل نوجوانوں کے ہاتھوں میں ہے، جو ترقی، استحکام اور خوشحالی کی ضمانت ہیں۔

دورے کے دوران طلبہ اور اساتذہ نے پاک فوج کے شہداء اور غازیوں کو زبردست خراجِ عقیدت پیش کیا۔