خیبرپختونخوا حکومت کی بڑی کارروائی, گدھے کے گوشت کی شناخت کے لیے جدید لیبارٹری قائم

خیبرپختونخوا حکومت نے عوامی صحت کے تحفظ اور حلال کھانے کے معیار کو یقینی بنانے کے لیے ایک اہم اقدام اٹھایا ہے۔ صوبائی فوڈ سیفٹی اینڈ حلال فوڈ اتھارٹی نے ایک جدید لیبارٹری قائم کی ہے جو صرف چند سیکنڈز میں گوشت کی اصلیت اور معیار کی شناخت کر سکتی ہے۔

یہ لیبارٹری صرف گوشت ہی نہیں بلکہ دودھ، پانی، مشروبات اور مصالحہ جات کے نمونوں کا بھی تجزیہ کرے گی، تاکہ عوام کو خالص، حلال اور محفوظ غذا کی فراہمی ممکن بنائی جا سکے۔

یہ قدم خاص طور پر اُن گھناؤنے عناصر کے خلاف اٹھایا گیا ہے جو حلال گوشت کے نام پر گدھے یا غیر قانونی گوشت فروخت کر رہے تھے۔ اب ایسے عناصر کے لیے قانون کی گرفت سے بچنا مشکل ہو گا۔