پی ایس ایل 10 کا شیڈول جاری, فائنل 18 مئی کو لاہور میں ہوگا

پاکستان کرکٹ بورڈ (پی سی بی) نے پاکستان سپر لیگ (پی ایس ایل) کے دسویں ایڈیشن کا باضابطہ شیڈول جاری کردیا ہے۔ شیڈول کے مطابق لیگ کا آغاز 11 اپریل کو ہوگا، جس میں دفاعی چیمپئن اسلام آباد یونائیٹڈ اور لاہور قلندرز کا ٹاکرا ہوگا۔ ٹورنامنٹ میں 6 ٹیمیں حصہ لیں گی اور مجموعی طور پر 34 میچز کھیلے جائیں گے۔

ایونٹ کا فائنل 18 مئی کو لاہور کے قذافی اسٹیڈیم میں منعقد ہوگا جبکہ لاہور، کراچی، راولپنڈی، اور ملتان مختلف میچز کی میزبانی کریں گے۔ اس کے علاوہ، 8 اپریل کو پشاور میں ایک نمائشی میچ بھی کھیلا جائے گا، جس کی ٹیموں کا اعلان بعد میں کیا جائے گا۔

پی ایس ایل کے چیف ایگزیکٹو آفیسر سلمان نصیر نے کہا کہ یہ ایڈیشن تاریخی ہوگا اور پاکستان میں کرکٹ کا جوش و خروش عروج پر ہوگا۔