وفاقی حکومت نے عمرہ کے لیے مستند کمپنیوں کی فہرست جاری کردی

وفاقی حکومت نے عازمین عمرہ کو فراڈ سے بچانے کے لیے 1447 ہجری کے لیے مستند عمرہ کمپنیوں کی فہرست جاری کردی۔

وزارتِ مذہبی امور کے مطابق 113 کمپنیوں کو سرکاری طور پر منظور کیا گیا ہے اور ان کی تفصیلات وزارت کی آفیشل ویب سائٹ پر موجود ہیں جہاں عازمین عمرہ بکنگ سے پہلے کمپنی کی تصدیق کرسکتے ہیں۔

ترجمان نے واضح کیا کہ تمام ادائیگیاں صرف کمپنی کے بینک اکاؤنٹ میں جمع کرائی جائیں اور ہر صورت میں رسید اور معاہدے کی کاپی حاصل کی جائے۔

وزارت کے مطابق اس اقدام کا مقصد غیر مجاز ایجنٹس سے بچاؤ اور عازمین کو محفوظ اور شفاف سہولت فراہم کرنا ہے۔