ناسا نے 21 گھنٹوں کے سال والا سیارہ دریافت کر لیا

ناسا کے سائنسدانوں نے ایک انتہائی انوکھا سیارہ دریافت کیا ہے جس کا ایک سال صرف 21 گھنٹوں پر محیط ہے۔ یہ سیارہ نیپچون کے سائز کا ہے اور اپنے سورج کے گرد انتہائی قریب فاصلے پر گردش کرتا ہے، جس کی وجہ سے یہ بہت زیادہ گرم ہے۔

یہ سیارہ ’ہاٹ نیپچونز‘ کی نایاب کیٹگری سے تعلق رکھتا ہے، جن کی خصوصیت ان کا چھوٹا سائز اور اپنے سورج کے گرد مختصر مدار ہے۔ ناسا کے مطابق، یہ اپنی نوعیت کی چوتھی دریافت ہے، اور یہ دریافت اس بات کو سمجھنے میں مدد دے سکتی ہے کہ اس طرح کے سیارے کیسے وجود میں آتے ہیں۔

سائنسدانوں کے مطابق، ایسے سیارے کی تلاش سے یہ جاننے میں مدد ملے گی کہ نیپچون جیسے سیارے اتنی زیادہ حرارت اور قربت کے باوجود کیسے اپنی موجودگی برقرار رکھتے ہیں۔