حارث رؤف کی تنقید: پاکستان میں لوگ ٹیم کے ہارنے کا انتظار کرتے ہیں

پاکستانی فاسٹ باؤلر حارث رؤف نے نیوزی لینڈ کے خلاف دوسرے ٹی ٹوئنٹی میچ کے بعد گفتگو میں کہا کہ پاکستان میں لوگ ٹیم کے ہارنے کا انتظار کرتے ہیں تاکہ تنقید کرسکیں۔

انہوں نے دبے لفظوں میں سابق کرکٹرز کو بھی تنقید کا نشانہ بنایا اور کہا کہ کھلاڑی اپنی بھرپور کوشش کرتے ہیں، مگر ٹیم کی ہر ناکامی پر بے جا تنقید کی جاتی ہے۔

حارث رؤف کا کہنا تھا کہ نیوزی لینڈ کی کنڈیشنز آسان نہیں ہیں، اور یہاں پرفارم کرنا ایک چیلنج ہے۔ ان کے مطابق نوجوان کھلاڑیوں کو موقع اور وقت دینا چاہیے تاکہ وہ اپنی کارکردگی میں بہتری لا سکیں۔

انہوں نے کہا کہ اگر ہم جدید کرکٹ کے تقاضوں کے مطابق نہ کھیلیں تو آگے بڑھنا مشکل ہوگا۔ ان کا کہنا تھا کہ نوجوان کھلاڑیوں کو سپورٹ کرنا ضروری ہے، ورنہ وہ کیسے ترقی کریں گے؟