ثالثی کے باوجود دونوں فریقین نے سیزفائر کی پاسداری نہیں کی, ڈونلڈ ٹرمپ

امریکی صدر ڈونلڈ ٹرمپ نے الزام عائد کیا ہے کہ ایران اور اسرائیل دونوں نے حالیہ جنگ بندی کی خلاف ورزی کی ہے، جس پر وہ خاصے ناخوش ہیں، خصوصاً اسرائیل کے رویے سے۔

نیٹو سمٹ کے لیے روانگی سے قبل صحافیوں سے بات کرتے ہوئے ٹرمپ نے کہا کہ اسرائیل نے سیزفائر پر رضامندی کے فوراً بعد “حملے شروع کر دیے”، جبکہ ایران کی جوہری صلاحیت کے بارے میں ان کا کہنا تھا کہ “اب وہ ختم ہو چکی ہے۔”

صدر ٹرمپ نے خبردار کیا کہ اسرائیل کی جانب سے ایران پر کسی بھی نئی کارروائی کو سنگین خلاف ورزی تصور کیا جائے گا، اور انہوں نے اسرائیلی حکومت سے اپنے پائلٹس کو فوری طور پر واپس بلانے کا مطالبہ کیا ہے۔

ان کا کہنا تھا کہ خطے میں امن قائم رکھنے کے لیے ضروری ہے کہ دونوں ممالک جنگ بندی کے معاہدے کی مکمل پاسداری کریں۔