روہت شرما نے آفریدی کو پیچھے چھوڑ کر ون ڈے کرکٹ میں سب سے زیادہ چھکے لگانے کا اعزاز اپنے نام کر لیا

بھارت کے تجربہ کار اوپنر روہت شرما نے جنوبی افریقہ کے خلاف پہلے ون ڈے میں شاندار کارکردگی دکھاتے ہوئے شاہد آفریدی کو پیچھے چھوڑ دیا اور ون ڈے کرکٹ کی تاریخ میں سب سے زیادہ چھکے لگانے والے بلے باز بن گئے۔

رانچی کے جے ایس سی اے انٹرنیشنل اسٹیڈیم میں کھیلے گئے میچ میں روہت شرما نے میچ کا آغاز 349 چھکوں کے ساتھ کیا تھا اور انہیں آفریدی کے 351 چھکوں کا ریکارڈ توڑنے کے لیے صرف تین چھکوں کی ضرورت تھی۔

روہت نے پروٹیز کے خلاف دھواں دار نصف سنچری اسکور کی اور دورانِ اننگز تین چھکے لگاتے ہوئے اپنا مجموعہ 352 چھکے کر دیا۔ انہوں نے یہ سنگ میل صرف 269 اننگز میں عبور کیا، جبکہ آفریدی نے 369 اننگز میں 351 چھکے لگائے تھے۔

ون ڈے کرکٹ میں سب سے زیادہ چھکے

روہت شرما (بھارت) — 352 چھکے، 269 اننگز

شاہد آفریدی (پاکستان) — 351 چھکے، 369 اننگز

کرس گیل (ویسٹ انڈیز) — 331

سنتھ جے سوریہ (سری لنکا) — 270

ایم ایس دھونی (بھارت) — 229

روہت شرما تمام فارمیٹس میں بھی چھکوں کے بادشاہ ہیں اور اس وقت ان کے مجموعی بین الاقوامی چھکوں کی تعداد 645 ہے، جو کہ کرس گیل کے 553 چھکوں سے کہیں زیادہ ہے۔

بین الاقوامی کرکٹ میں سب سے زیادہ چھکے

روہت شرما (بھارت) — 645 چھکے

کرس گیل — 553

شاہد آفریدی — 476

برینڈن میک کولم — 398

جوس بٹلر — 387

روہت شرما کی یہ کامیابی انہیں جدید دور کے سب سے خطرناک اور مستقل مزاج پاور ہٹرز میں شامل کر دیتی ہے، جو عالمی کرکٹ میں نئی مثالیں قائم کر رہے ہیں۔