تین ملکی ٹی ٹوئنٹی سیریز کا اعلان, پاکستان، افغانستان اور یو اے ای 29 اگست سے مدمقابل

پاکستان، افغانستان اور متحدہ عرب امارات کے درمیان تین ملکی ٹی ٹوئنٹی ٹرائی سیریز کا شیڈول جاری کر دیا گیا ہے۔ ایونٹ کا انعقاد 29 اگست سے 7 ستمبر تک تاریخی شارجہ کرکٹ اسٹیڈیم میں ہوگا۔

ٹورنامنٹ کا پہلا میچ پاکستان اور افغانستان کے درمیان کھیلا جائے گا، جو ہمیشہ ہائی وولٹیج مقابلہ سمجھا جاتا ہے۔ ہر ٹیم دوسری دو ٹیموں کے خلاف دو، دو میچز کھیلے گی، اور 7 ستمبر کو ٹاپ دو ٹیمیں فائنل میں آمنے سامنے ہوں گی۔

یہ سیریز ایشیا کپ سے قبل تینوں ٹیموں کے لیے ایک اہم وارم اپ موقع فراہم کرے گی۔ خاص طور پر پاکستان اور افغانستان کے میچز ہمیشہ سے کرکٹ شائقین کی توجہ کا مرکز رہے ہیں، جبکہ یو اے ای کی ٹیم اپنی سرزمین پر اپ سیٹ کرنے کی صلاحیت رکھتی ہے۔