یکم ستمبر سے پٹرول اور ڈیزل سستا ہونے کا امکان

ملک بھر میں یکم ستمبر سے پٹرولیم مصنوعات کی قیمتوں میں معمولی کمی کا امکان ظاہر کیا جا رہا ہے۔ ذرائع کے مطابق آئندہ 15 روز کے لیے پٹرول کی قیمت میں 61 پیسے فی لیٹر کمی کی تجویز ہے، جبکہ ہائی اسپیڈ ڈیزل کی قیمت میں 3 روپے 13 پیسے فی لیٹر کمی متوقع ہے۔

اسی طرح مٹی کے تیل کی قیمت میں 1 روپے 57 پیسے فی لیٹر اور لائٹ ڈیزل آئل کی قیمت میں 2 روپے 61 پیسے فی لیٹر کمی کا امکان ہے۔
اوگرا اپنی ورکنگ آج رات وزارت پیٹرولیم کے ذریعے فنانس ڈویژن کو بھجوائے گا، جس کے بعد وزارت خزانہ وزیراعظم سے مشاورت کر کے نئی قیمتوں کا نوٹیفیکیشن جاری کرے گی۔