پاکستان اسٹاک مارکیٹ میں زبردست تیزی کا سلسلہ جاری

 پاکستان اسٹاک مارکیٹ میں کاروباری ہفتے کے آخری روز زبردست تیزی کا رجحان دیکھا گیا۔ 100 انڈیکس 363 پوائنٹس کے اضافے کے ساتھ ایک لاکھ 446 پوائنٹس پر پہنچ گیا، جبکہ کاروبار کے دوران یہ ایک وقت میں 100 انڈیکس ایک لاکھ 653 پوائنٹس تک پہنچ گیا۔

یاد رہے کہ گزشتہ روز بھی مثبت رجحان کے باعث 100 انڈیکس 813 پوائنٹس کے اضافے سے ایک لاکھ 182 پوائنٹس پر بند ہوا تھا۔ کاروباری دن کے دوران 55 کروڑ 59 لاکھ سے زائد شیئرز کا لین دین ہوا، جن کی مجموعی مالیت 28 ارب 55 کروڑ روپے رہی۔

تجزیہ کاروں کا کہنا ہے کہ اسٹاک مارکیٹ میں یہ تیزی ملک میں بڑھتے ہوئے سرمایہ کاری کے رجحان اور مثبت کاروباری ماحول کا مظہر ہے، جو معیشت کے لیے خوش آئند ہے۔