سندھ حکومت نے سرکاری نوکریوں کے لیے عمر کی حد 33 سال کر دی

سندھ حکومت نے سرکاری ملازمت کے خواہشمند افراد کے لیے بڑی خوشخبری سناتے ہوئے عمر کی حد میں پانچ سال کا اضافہ کر دیا۔ اب سرکاری ملازمت کے لیے زیادہ سے زیادہ عمر 28 سال سے بڑھا کر 33 سال مقرر کر دی گئی ہے۔

سندھ کابینہ کی منظوری کے بعد جاری کیے گئے نوٹیفکیشن کے مطابق، اس فیصلے کا اطلاق پولیس اور دیگر فورسز پر نہیں ہوگا۔ نیا قانون یکم جنوری 2025 سے 31 دسمبر 2026 تک نافذ العمل رہے گا۔

ماہرین روزگار کا کہنا ہے کہ اس فیصلے سے ہزاروں نوجوانوں کو فائدہ پہنچے گا جو عمر کی حد کے باعث سرکاری ملازمت کے لیے درخواست دینے سے قاصر تھے۔