یوکرین میں پاکستانی جنگجو؟ پاکستان کا شدید ردعمل

یوکرین کے صدر وولودومیر زیلنسکی نے شمال مشرقی علاقے ووفچانسک میں جاری جنگی کارروائیوں سے متعلق حیران کن دعویٰ کیا ہے۔ ان کے مطابق روسی افواج کے خلاف لڑنے والوں میں پاکستان، چین، تاجکستان، ازبکستان اور کچھ افریقی ممالک کے “کرائے کے جنگجو” بھی شامل ہیں۔

زیلنسکی نے ایکس (سابقہ ٹوئٹر) پر جاری بیان میں کہا کہ “محاذ پر موجود کمانڈرز نے ہمیں بتایا ہے کہ ان جنگجوؤں میں غیر ملکی عناصر بھی شامل ہیں، جن کا تعلق مذکورہ ممالک سے ہے۔ ہم اس کا مؤثر جواب دیں گے۔”

تاہم پاکستان نے ان دعوؤں کو سختی سے مسترد کر دیا ہے۔ ترجمان دفتر خارجہ نے کہا
“یہ الزامات بے بنیاد، من گھڑت اور ناقابلِ قبول ہیں۔ نہ تو یوکرینی حکام نے ہم سے کوئی رابطہ کیا، اور نہ ہی کسی قسم کے شواہد پیش کیے گئے ہیں۔”

پاکستان کا مؤقف ہے کہ وہ یوکرین تنازع کا پرامن اور سفارتی حل چاہتا ہے اور اقوام متحدہ کے چارٹر کے مطابق بات چیت کی حمایت کرتا ہے۔