ہری پور میں ڈینگی وبائی شکل اختیار کر گیا، 95 مریض رپورٹ

خیبر پختونخوا کے ضلع ہری پور میں ڈینگی وبائی شکل اختیار کر گیا ہے، اب تک 95 مریض ڈینگی وائرس سے متاثر ہو کر ڈسٹرکٹ ہیڈ کوارٹر (ڈی ایچ کیو) اسپتال پہنچ چکے ہیں۔

اس حوالے سے ڈاکٹر مہر انگیز خان نے بتایا کہ اسپتال میں ڈینگی سے متاثرہ مریضوں کے لیے مکمل سہولیات فراہم کی گئی ہیں۔ فوکل پرسن ڈاکٹر طاہر انگیز خان نے کہا کہ اس وقت ڈینگی وارڈ میں 15 مرد و خواتین مریض زیر علاج ہیں۔

کوٹ نجیب اللہ، کھلابٹ، دیدن، خانپور اور غازی سمیت مختلف علاقوں میں ڈینگی کے مریضوں میں اضافہ جاری ہے، جس پر محکمہ صحت نے شہریوں کو احتیاطی تدابیر اپنانے کی ہدایت کی ہے۔