پاکستان کی آٹو انڈسٹری میں زبردست اضافہ، گاڑیوں کی فروخت میں نمایاں اضافہ

پاکستان کی آٹو انڈسٹری میں بے مثال ترقی دیکھنے کو ملی ہے، جس کی بڑی وجہ صارفین کی بڑھتی ہوئی طلب اور حکومت کی جانب سے ایس آئی ایف سی کے ذریعے فراہم کی گئی معاونت ہے۔

مسافر گاڑیوں کی فروخت میں چھیالیس فیصد سے زیادہ اور کمرشل گاڑیوں کی فروخت میں بیاسی فیصد کا غیر معمولی اضافہ ہوا۔ جیپ اور پک اپ کی فروخت میں ساٹھ فیصد جبکہ موٹر سائیکل اور رکشہ کی فروخت میں تئیس فیصد اضافہ ریکارڈ کیا گیا۔

ماحول دوست الیکٹرک گاڑیوں کی پیشکش کو مارکیٹ میں بہت سراہا جا رہا ہے۔ اسٹیٹ بینک آف پاکستان کی شرح سود میں بتدریج کمی اور اسلامی فنانسنگ آپشنز نے صارفین کا اعتماد بحال کرنے میں اہم کردار ادا کیا ہے۔

ماہرین کا کہنا ہے کہ شرح سود میں مزید کمی اور نئی گاڑیوں کے ماڈلز کی آمد سے اس شعبے میں ترقی کا یہ سلسلہ جاری رہے گا، جو ملکی معیشت میں اہم کردار ادا کرے گا۔