جی آئی کے کانووکیشن میں یوسف رضا گیلانی کا ڈیجیٹل پاکستان کے عزم کا اظہار

چیئرمین سینیٹ اور پیپلز پارٹی کے سینئر رہنما یوسف رضا گیلانی نے کہا ہے کہ ڈیجیٹل نیشن پاکستان اور ٹیکنالوجی زونز حکومت کی اولین ترجیحات میں شامل ہیں۔ وہ خیبرپختونخوا کے ضلع صوابی میں واقع معروف تعلیمی ادارے غلام اسحاق خان انسٹیٹیوٹ  کے 29ویں کانووکیشن سے خطاب کر رہے تھے۔

انہوں نے کہا کہ پاکستان کی ڈیجیٹل معیشت تیزی سے ترقی کر رہی ہے اور آئی ٹی برآمدات رواں سال 5 ارب ڈالر تک پہنچنے کی توقع ہے۔ ان کے مطابق مصنوعی ذہانت، مشین لرننگ، اور انٹرنیٹ آف تھنگز  جیسے شعبے صنعتوں میں انقلابی تبدیلی لا رہے ہیں۔

گیلانی نے نوجوانوں پر زور دیا کہ وہ تعلیم، ہنر اور ٹیکنالوجی کو اپنا ہتھیار بنائیں اور ملکی ترقی میں ہراول دستے کا کردار ادا کریں۔ انہوں نے کہا کہ آج کے تعلیم یافتہ نوجوان ہی مستقبل کے معمار ہیں، جو پاکستان کو ایک جدید اور خوشحال ملک بنا سکتے ہیں۔