بشریٰ انصاری کو برطانوی پارلیمنٹ میں اعزاز، پاکستانی فنکاروں کی عالمی پذیرائی

پاکستانی اداکارہ بشریٰ انصاری کو برطانوی پارلیمنٹ میں ایوارڈ آف ریکگنیشن سے نوازا گیا، جو ان کی شاندار فنی خدمات کا اعتراف ہے۔ اس تقریب کا اہتمام برٹش ایشین سوسائٹی اور سمرا ایونٹس یوکے نے کیا، جبکہ میزبانی کے فرائض ایم پی یاسمین قریشی نے انجام دیے۔

بشریٰ انصاری نے اس اعزاز پر خوشی کا اظہار کرتے ہوئے انسٹاگرام پر لکھا: “آج برطانوی پارلیمنٹ میں اعزاز حاصل کر کے بے حد خوشی محسوس کر رہی ہوں! اللہ کا شکر!”

تقریب میں ایم پی افضل خان، برٹش ایشین سوسائٹی کے چیئرمین اے. حق، اور دیگر کمیونٹی رہنما، فنکار اور مداح شریک تھے۔ اپنے خطاب میں بشریٰ انصاری نے پاکستانی ڈراموں کی ثقافتی اہمیت، لباس، اور اردو زبان کے فروغ پر روشنی ڈالی۔

یہی ایوارڈ اس سے قبل معروف اداکارہ ماہرہ خان اور فہد مصطفیٰ کو بھی دیا جا چکا ہے، جو پاکستانی شوبز انڈسٹری کی عالمی سطح پر پہچان کی عکاسی کرتا ہے۔