اداکار نبیل ظفر مہنگائی اور بجلی کے بلوں پر پھٹ پڑے

پاکستانی ٹی وی انڈسٹری کے معروف اداکار، ہدایتکار اور پروڈیوسر نبیل ظفر نے مہنگائی اور بجلی کے ناقابل برداشت بلوں پر اپنے مخصوص مزاحیہ انداز میں شدید ردعمل دیا ہے۔

ایک نجی ٹی وی پروگرام میں گفتگو کرتے ہوئے نبیل ظفر کا کہنا تھا کہ:

“بجلی کے بل اتنے زیادہ ہیں کہ دیکھ کر دل کا دورہ پڑ سکتا ہے۔”

انہوں نے بتایا کہ اب وہ اپنے گھر میں اضافی لائٹس یا پنکھے دیکھ کر فوراً انہیں بند کروا دیتے ہیں، کیونکہ ہر مہینے کے بل سے سخت پریشان ہیں۔ نبیل نے کہا

“ایسا لگتا ہے جیسے ابو کی روح میرے اندر آ گئی ہو۔ میں بھی اب ہر وقت کہتا ہوں: بل بہت آئے گا بھائی!”

اداکار نے بتایا کہ بڑھتی مہنگائی سے تنگ آ کر انہوں نے گھر میں سولر سسٹم لگوا لیا ہے، لیکن کراچی میں بادل آجائیں تو مسئلہ ہو جاتا ہے۔ اس پر انہوں نے طنزیہ انداز میں کہا:

“بادلوں سے دل ہی دل میں کہتا ہوں، یا تو برس جاؤ یا چلے جاؤ تاکہ سولر چل سکے!”

نبیل ظفر کی یہ باتیں سوشل میڈیا پر خوب وائرل ہو رہی ہیں، جو عوام کی روزمرہ مشکلات کی عکاسی بھی کرتی ہیں۔