پی سی بی چیئرمین چیمپئنز ٹرافی پر مذاکرات میں پرامید

پاکستان کرکٹ بورڈ (پی سی بی) کے چیئرمین محسن نقوی نے ہفتے کے روز چیمپئنز ٹرافی 2025 کے حوالے سے جاری مذاکرات پر اطمینان کا اظہار کیا۔ یہ ایونٹ پاکستان میں منعقد ہونا ہے، تاہم بھارت کی جانب سے پیدا کی گئی رکاوٹوں سے مشکلات سامنے آئی ہیں۔

محسن نقوی نے کہا، “میں مذاکرات کی تفصیلات پر بات نہیں کروں گا لیکن آئی سی سی کا فیصلہ پاکستان اور عالمی کرکٹ کے لیے بہتر ہوگا۔”

ذرائع کے مطابق بی سی سی آئی نے ابھی تک پاکستان کی جانب سے پیش کیے گئے مطالبات پر جواب نہیں دیا، جس کے باعث آئی سی سی کا اجلاس تیسری بار ملتوی کرنا پڑا۔

پی سی بی چیئرمین نے ملکی کرکٹ کے معیار کو بہتر بنانے کے عزم کا اظہار کرتے ہوئے کہا کہ موجودہ گراؤنڈز کو اپ گریڈ کیا جائے گا اور ضرورت پڑنے پر نئے گراؤنڈز بھی تعمیر کیے جائیں گے۔

چیمپئنز ٹرافی کا انعقاد پاکستان کے لیے اہم ہے، اور پی سی بی مذاکرات کے مثبت نتائج کے لیے پرامید ہے۔