فن و ثقافت
پولیس نے گلبرگ میں ٹک ٹاکر سوزین خان کی ہیلووین پارٹی پر چھاپہ مار کارروائی کی
صوبائی دارالحکومت کے علاقے گلبرگ میں ٹک ٹاکر سوزین خان کی جانب سے منعقد کی گئی ہیلووین پارٹی پر پولیس نے چھاپہ مار کارروائی کی اور 51 لڑکوں اور لڑکیوں کو گرفتار کر لیا۔
پولیس کے مطابق کارروائی کے دوران بھاری مقدار میں شراب اور چرس برآمد ہوئی۔ موقع پر موجود تمام افراد کو تھانے منتقل کیا گیا۔
پولیس کے ترجمان نے بتایا کہ یہ تقریب غیر قانونی طور پر منعقد کی گئی تھی اور شراب نوشی سمیت غیر اخلاقی سرگرمیوں کی شکایت پر کارروائی کی گئی۔
کارروائی کے دوران پارٹی کی میزبان سوزین خان سمیت دیگر شریک افراد کے خلاف مقدمہ درج کر کے مزید تفتیش شروع کر دی گئی ہے۔
ذرائع کے مطابق پارٹی میں نوجوانوں کی بڑی تعداد شریک تھی اور شور شرابے کی شکایت پر پولیس نے بروقت کارروائی کی۔
Continue Reading