معروف ناول نگار باربرا ٹیلر بریڈ فورڈ 91 برس کی عمر میں انتقال کر گئیں

اے وومن آف سبسٹینس کی مشہور مصنفہ باربرا ٹیلر بریڈ فورڈ 91 برس کی عمر میں انتقال کر گئیں۔ انہیں ادبی دنیا کی “گرینڈ ڈیم” کہا جاتا تھا۔ وہ اتوار کے روز اپنے گھر میں مختصر علالت کے بعد پر سکون انداز میں دنیا سے رخصت ہوئیں۔

1933 میں یارکشائر میں پیدا ہونے والی باربرا نے یارکشائر ایوننگ پوسٹ میں ٹائپسٹ سے اپنے کیریئر کا آغاز کیا۔ 1979 میں شائع ہونے والے ان کے پہلے ناول اے وومن آف سبسٹینس نے دنیا بھر میں 30 ملین کاپیوں کی فروخت کے ساتھ ادبی دنیا میں ان کے مقام کو بلند کر دیا۔

باربرا اپنی کامیابی کے باوجود ہمیشہ محبت اور عاجزی کا پیکر رہیں۔ ان کی قریبی دوست اور اداکارہ جینی سیگروو نے انہیں “خوبصورتی اور دلکشی کا پاور ہاؤس” قرار دیا۔

باربرا کا ادبی ورثہ اور ان کا جذبہ ہمیشہ یادگار رہے گا۔