صبا قمر کے کراچی مخالف بیان پر جویریہ سعود کا ردعمل, کراچی گندا نہیں، لوگوں کی سوچ گندی ہے

پاکستان کی معروف اداکارہ صبا قمر کے ایک مختصر مگر متنازع جملے نے سوشل میڈیا پر ہنگامہ مچا دیا۔
ایک حالیہ انٹرویو میں جب ان سے پوچھا گیا کہ کیا وہ کبھی کراچی منتقل ہونے کا سوچیں گی، تو صبا قمر نے حیرت سے کہا: “استغفراللّٰہ

یہ جملہ سامنے آتے ہی سوشل میڈیا صارفین نے اسے کراچی مخالف بیان قرار دے کر شدید ردعمل ظاہر کیا۔
کئی لوگوں نے صبا پر تنقید کی، جبکہ کچھ صارفین نے کہا کہ ہر شخص کو اپنی رائے رکھنے کا حق حاصل ہے۔

اسی دوران اداکارہ اور میزبان جویریہ سعود بھی خاموش نہ رہ سکیں۔
انہوں نے اداکارہ عفت عمر کے ایک تبصرے کے جواب میں کہا

“کراچی گندا نہیں، لوگوں کی سوچ گندی ہے۔ جو کراچی کو برا کہتے ہیں، وہ دراصل اپنے ہی ملک کو برا کہہ رہے ہیں۔”

.جویریہ نے مزید کہا کہ کراچی جیسے بڑے شہر کو منفی انداز میں پیش کرنا درست نہیں
اور یہ کہ لوگوں کو شہر پر الزام دینے کے بجائے اپنی سوچ اور رویے بدلنے کی ضرورت ہے

کچھ مداح اب بھی ان کی حمایت کر رہے ہیں، جبکہ دوسروں کا کہنا ہے کہ ایسے الفاظ ایک بڑے فنکار کو زیب نہیں دیتے۔