او جی ڈی سی ایل نے 4.5 سال بعد راجیاں آئل فیلڈ سے خام تیل کی پیداوار بحال کر دی

آئل اینڈ گیس ڈیولپمنٹ کمپنی لمیٹڈ (او جی ڈی سی ایل) نے چکوال کے راجیاں آئل فیلڈ میں 4.5 سال بعد خام تیل کی پیداوار بحال کر دی ہے۔

کمپنی نے پاکستان اسٹاک ایکسچینج کو اطلاع دی کہ جدید مصنوعی لفٹ ٹیکنالوجی کے ذریعے یومیہ 1,000 بیرل خام تیل نکالا جا رہا ہے۔ اس مقصد کے لیے 3,774 میٹر گہرائی میں برقی پمپ نصب کیے گئے ہیں۔

او جی ڈی سی ایل کے مطابق، یہ کنویں مکمل طور پر کمپنی کی ملکیت ہیں، اور یہ پیشرفت پاکستان کی توانائی کی پیداوار کو مستحکم کرنے میں اہم کردار ادا کرے گی۔ پیداوار کی بحالی سے درآمدی تیل پر انحصار کم ہونے کی توقع ہے۔