کھیل
پی سی بی کی بڑی تبدیلی، محمد مسرور فارغ، شین میکڈرموٹ نئے فیلڈنگ کوچ مقرر
پاکستان کرکٹ بورڈ (پی سی بی) نے فیلڈنگ کوچ محمد مسرور کو برطرف کر دیا ہے، جن کا کنٹریکٹ سیریز کی بنیاد پر تھا۔ یہ فیصلہ ایشیا کپ 2025 سے قبل ٹیم کی کارکردگی بہتر بنانے کے لیے کوچنگ سٹاف میں تبدیلیوں کا حصہ ہے۔
محمد مسرور نوجوان ٹیموں کے ساتھ وسیع تجربہ رکھتے تھے اور ان سے توقع تھی کہ وہ پاکستان کی کمزور فیلڈنگ کو بہتر کریں گے، مگر بڑی ٹورنامنٹس جیسے ورلڈ کپ 2019، ٹی20 ورلڈ کپ اور ایشیا کپ میں بارہا فیلڈنگ کی غلطیوں نے پاکستان کو نقصان پہنچایا۔
ان کی جگہ آسٹریلوی کوچ شین میکڈرموٹ کو فیلڈنگ کوچ مقرر کیا گیا ہے، جنہیں بین الاقوامی تجربہ حاصل ہے اور وہ آسٹریلیا، سری لنکا اور بنگلہ دیش جیسی ٹیموں کے ساتھ کام کر چکے ہیں۔
اس کے علاوہ گرانٹ لڈن کو دوبارہ اسٹرینتھ اینڈ کنڈیشننگ کوچ مقرر کیا گیا ہے، جبکہ سابق فاسٹ بولر عمر گل کو پاکستان شاہینز (اے ٹیم) کا ہیڈ کوچ بنایا گیا ہے تاکہ نوجوان ٹیلنٹ کو رہنمائی ملے۔
ان اہم تقرریوں کے باوجود یہ سوال ابھرتا ہے کہ کیا ایشیا کپ جیسے اہم ایونٹ سے پہلے کوچنگ ٹیم میں تبدیلی ٹیم کی کارکردگی پر اثر ڈالے گی؟ خاص طور پر جب کہ بھارتی پچز پر فیلڈنگ کا کردار کلیدی ہوگا۔