سیاست
اقوام متحدہ کی نمائندہ کا اسرائیلی حملوں میں زندہ جلتے بچوں کے مناظر پر دلخراش ردعمل
اقوام متحدہ کی مقبوضہ فلسطین میں انسانی حقوق کی نمائندہ فرانچسکا البانیزے نے غزہ پر جاری اسرائیلی حملوں اور ان میں زندہ جلنے والے فلسطینی بچوں کے مناظر پر شدید صدمے اور رنج کا اظہار کیا ہے۔
سوشل میڈیا پلیٹ فارم ایکس (سابقہ ٹوئٹر) پر اپنے جذبات کا اظہار کرتے ہوئے انہوں نے لکھا:
“میں نے بے شمار انسانوں، اور خاص طور پر بچوں کے سائے جلتے ہوئے دیکھے ہیں، اب میں آگ کو دیکھ بھی نہیں سکتی، دل متلا جاتا ہے۔”
انہوں نے مزید کہا:
“ہمیں اس قتلِ عام کو فوری روکنا ہوگا۔ فلسطینی ہمیں معاف کردیں۔”
یہ بیان ایسے وقت پر سامنے آیا ہے جب اسرائیل کی جانب سے غزہ پر تباہ کن حملے جاری ہیں جن میں ہزاروں بے گناہ شہری شہید ہو چکے ہیں۔ فرانچسکا البانیزے پہلے بھی اسرائیلی مظالم کے خلاف کھل کر بولتی رہی ہیں اور فلسطینی حقوق کے لیے عالمی سطح پر جانی جاتی ہیں۔
اس واقعے کے بعد دنیا بھر میں ایک بار پھر جنگ بندی اور احتساب کا مطالبہ شدت اختیار کر گیا ہے، لیکن اسرائیلی جارحیت تاحال جاری ہے۔