خیبرپختونخوا حکومت کی جانب سے یتیم بچوں اور بیواؤں کے لیے مالی امداد، سہارا اور روشن مستقبل کارڈز کا اجرا

خیبرپختونخوا حکومت نے یتیم بچوں اور بیواؤں کی کفالت کے لیے بڑا قدم اٹھاتے ہوئے سہارا کارڈ اور روشن مستقبل کارڈ کا باقاعدہ اجرا کر دیا ہے۔ اس حوالے سے جاری تقریب میں وزیر اعلیٰ علی امن گنڈاپور نے اعلان کیا کہ روشن مستقبل کارڈ کے ذریعے 5 سے 16 سال تک کے 9 ہزار یتیم بچوں کو ماہانہ 5 ہزار روپے مالی معاونت دی جائے گی۔

اسی طرح سہارا کارڈ کے تحت 45 سال اور اس سے زائد عمر کی تقریباً 15 ہزار بیواؤں کو ہر ماہ 5 ہزار روپے فراہم کیے جائیں گے۔

وزیراعلیٰ نے خود یتیم بچوں میں روشن مستقبل کارڈ اور بیواؤں میں سہارا کارڈ تقسیم کیے، جس سے سماجی تحفظ کے نئے باب کا آغاز ہوا ہے۔ یہ اقدام صوبے میں مستحق افراد کی زندگیوں میں بہتری لانے کا اہم ذریعہ ہوگا۔