پاکستان میں عیدالاضحیٰ 7 جون بروز ہفتہ ہونے کا امکان, فلکیاتی ماہرین کی پیش گوئی

پاکستان میں ماہرین فلکیات نے ذوالحج کے چاند کی متوقع رویت کے حوالے سے پیشگوئی کرتے ہوئے کہا ہے کہ عیدالاضحیٰ 7 جون بروز ہفتہ کو ہونے کا امکان ہے۔

ماہرین کے مطابق 27 مئی کو چاند کی عمر غروب آفتاب کے وقت محض 11 گھنٹے ہوگی، جس کے باعث اس روز چاند کی بصری رویت ممکن نہیں ہے۔ اس لیے امکان ہے کہ ذوالقعدہ کا اختتام 27 مئی کو نہ ہو سکے۔

تاہم 28 مئی کو چاند کی عمر 35 گھنٹے سے زائد ہونے کی وجہ سے اس کی واضح رویت کے امکانات بڑھ جائیں گے۔ اگر یہ پیش گوئی درست ثابت ہوئی تو یکم ذوالحج 29 مئی بروز بدھ کو ہوگی اور اس حساب سے عیدالاضحیٰ 7 جون بروز ہفتہ کو منائی جائے گی۔

یاد رہے کہ حتمی اعلان مرکزی رویت ہلال کمیٹی چاند دیکھنے کے بعد کرے گی، مگر فلکیاتی اندازے عوام کو پیشگی تیاریوں اور سفری منصوبہ بندی میں مدد فراہم کرتے ہیں۔