خیبرپختونخوا میں گرمی اور لوڈشیڈنگ نے عوام کا جینا محال کر دیا، سردار بابک کی حکومت پر کڑی تنقید

خیبرپختونخوا میں شدید گرمی کی لہر کے دوران بدترین اور طویل لوڈشیڈنگ نے عوام کو شدید مشکلات سے دوچار کر دیا ہے۔ عوامی نیشنل پارٹی کے مرکزی رہنما سردار حسین بابک نے اس صورتحال پر صوبائی حکومت اور وفاقی نمائندوں کو شدید تنقید کا نشانہ بنایا ہے۔

اپنے بیان میں بابک نے کہا، “پرانی اور ناکارہ ٹرانسمیشن لائنیں بجلی کا دباؤ برداشت نہیں کر سکتیں، مگر حکومت تماشائی بنی ہوئی ہے۔”

انہوں نے مزید کہا، “ہمارے ایم این ایز وفاق سے بات کرنے کی ہمت نہیں رکھتے، کیونکہ ان کی سیاست صرف ‘ہمارے لیڈر کو رہا کرو’ اور ‘اسلام آباد مارچ’ تک محدود ہو چکی ہے۔”

صوبے کے کئی علاقوں میں روزانہ 12 سے 14 گھنٹے کی لوڈشیڈنگ ہو رہی ہے، جس سے نہ صرف گھریلو زندگی متاثر ہو رہی ہے بلکہ کاروبار اور تعلیمی سرگرمیاں بھی شدید متاثر ہو رہی ہیں۔

ماہرین کا کہنا ہے کہ خیبرپختونخوا کا بجلی کا نظام فوری اپ گریڈنگ کا متقاضی ہے، ورنہ حالات مزید بگڑ سکتے ہیں۔