سیاست
ڈیرہ اسماعیل خان میں المناک حادثہ، ایک ہی خاندان کے 11 افراد جاں بحق
ڈیرہ اسماعیل خان کے علاقے دھناسر میں جمعہ کے روز ایک دل دہلا دینے والا حادثہ پیش آیا جس میں ایک ہی خاندان کے 11 افراد جاں بحق ہوگئے۔
رپورٹس کے مطابق یہ گاڑی بلوچستان کے علاقے خانوزئی سے ڈیرہ اسماعیل خان آ رہی تھی کہ راستے میں بریک فیل ہونے سے خوفناک حادثے کا شکار ہو گئی۔
حادثے میں موقع پر ہی 7 افراد جاں بحق ہوگئے جن میں 5 خواتین، ایک مرد اور ایک بچہ شامل ہے۔ ریسکیو 1122 کی ٹیم فوری طور پر جائے حادثہ پر پہنچی، لاشوں کو اسپتال منتقل کیا اور زخمیوں کو ابتدائی طبی امداد فراہم کی۔
بعد ازاں چار مزید زخمی، جنہیں مقامی ذرائع نے اسپتال منتقل کیا تھا، جانبر نہ ہو سکے اور یوں ہلاکتوں کی تعداد 11 ہو گئی۔
زخمیوں میں دریاء خان، احمد اور 10 سالہ یوسف شامل تھے، جنہیں طبی امداد کے بعد حالت خطرے سے باہر بتائی گئی۔
یہ افسوسناک حادثہ حالیہ مہینوں میں خطے کے سب سے بڑے ٹریفک سانحات میں سے ایک قرار دیا جا رہا ہے۔