صنم تیری قسم کی دوبارہ ریلیز نے باکس آفس پر تہلکہ مچا دیا

رومانوی فلم صنم تیری قسم کی دوبارہ ریلیز نے باکس آفس پر دھوم مچا دی، فلم نے صرف سات دنوں میں پینتیس کروڑ پندرہ لاکھ کما لیے ہیں۔

حرش وردھن رانے اور ماورا حسین کی اس فلم کو ہٹ فلم بننے کے لیے صرف پچاسی لاکھ مزید درکار ہیں، جو ۲۰۱۶ میں صرف نو کروڑ کا بزنس کر سکی تھی۔

فروری تیرہ کو فلم نے دو کروڑ پندرہ لاکھ کمائے، جو گزشتہ دن کے مقابلے میں پندرہ لاکھ زیادہ ہیں۔

ہدایتکار رادھیکا راؤ اور وینے سپرو کی اس فلم کا بجٹ اٹھارہ کروڑ تھا، اور اب یہ پچانوے فیصد منافع پر پہنچ چکی ہے۔

مداحوں نے سوشل میڈیا پر فلم کی دوبارہ کامیابی کو حیران کن قرار دیا ہے، جبکہ ماہرین کا کہنا ہے کہ اس رجحان سے مزید فلموں کی دوبارہ ریلیز کا امکان بڑھ گیا ہے۔