عوام کے لیے ریلیف: بجلی 1 روپے 69 پیسے فی یونٹ سستی ہونے کا امکان

مہنگائی کے بوجھ تلے دبے عوام کے لیے ریلیف کی خبر سامنے آئی ہے، جس کے مطابق بجلی 1 روپے 69 پیسے فی یونٹ سستی ہونے کا امکان ہے۔ ایکسپریس نیوز کے مطابق تقسیم کار کمپنیوں نے نیشنل الیکٹرک پاور ریگولیٹری اتھارٹی (نیپرا) کو درخواست جمع کرائی ہے کہ بجلی کی قیمت میں کمی کی جائے۔

یہ درخواست ماہانہ فیول پرائس ایڈجسٹمنٹ  کی مد میں جولائی کے لیے دی گئی ہے۔ نیپرا اس درخواست پر 28 اگست کو سماعت کرے گا۔ اگر درخواست منظور ہو جاتی ہے تو صارفین کو آئندہ ماہ کے بلوں میں کمی کی صورت میں ریلیف ملے گا، جو مہنگائی سے پریشان عوام کے لیے کسی خوشخبری سے کم نہیں۔