علیمہ خان کا دعویٰ: عمران خان کو توشہ خانہ ٹو کیس میں ایک اور سزا سنانے کا منصوبہ

پاکستان تحریک انصاف کے بانی چیئرمین اور سابق وزیراعظم عمران خان کی ہمشیرہ علیمہ خان نے الزام لگایا ہے کہ توشہ خانہ ٹو کیس کی سماعت تیزی سے اس لیے کی جارہی ہے تاکہ عمران خان کو ایک اور مقدمے میں سزا سنائی جا سکے۔

اڈیالہ جیل کے باہر میڈیا سے گفتگو میں علیمہ خان نے کہا کہ یہ سب ایک طے شدہ اسکرپٹ کے تحت ہو رہا ہے۔ ان کے مطابق عمران خان کو توشہ خانہ ٹو میں سزا سنائی جائے گی اور اس کے بعد ہی القادر ٹرسٹ کیس میں ضمانت دی جائے گی۔

انہوں نے جج شاہ رخ ارجمند اور چیف جسٹس سرفراز ڈوگر پر “آپس میں کوارڈینیشن” کا الزام بھی لگایا اور کہا کہ چھ ماہ پہلے القادر کیس میں ضمانت دی جانی چاہئے تھی مگر فیصلہ روک کر رکھا گیا۔

علیمۃ خان نے مزید کہا کہ عدالتوں کے باہر ماحول خراب کرنے کے لیے پلانٹڈ افراد بھیجے جا رہے ہیں تاکہ کارکنان کو اشتعال دلایا جائے اور پھر ان پر مقدمات درج کیے جائیں۔